فريق الباكابورتات... با..كا..بور..تا

تأسس فريق الباكابورتات في الفترة الأخيرة جراء الأرتفاع الجنوني في أسعار الأكل العالمي اللي أدي الي ارتفاع أسعار البنزين عشان العلاوة الي أدي لأرتفاع أسعار كل حاجة ... طبعاً أنا مش مصدق التحويير دة كله.

فريق الباكابورتات ده فريق مش كدة وكدة، ده عبارة عن ناس غلبانة مش لأيا الي يكفيها عشان الأسعار زادت طبعا و عمالة تزيد و ملهاش حدود غالبا كدة الغلو ده مالوش نهاية، يبقى أنت أكيد في مصر.

وعشان تعرفوا إن الناس دوول مش أغبية، فكروا في النحاس أو الحديد .. المهم، السعر غالي .. أصدي حلو بالنسبة ليهم.

فقرروا يسرقوا الباكابورتات، بس هما برضو فكروا بأنسانسة وضمير، عشان هما خايفين على أرواح الناس الى في الشارع وخايفين كمان علي العربيات الى بتمشي علي الشارع وبتلبس المطبات الي بتبوظ عفشة العربية وحاجات تانية كتيييير...

خلينا في الوضوع، المهم بدلو الباكابورت بفردت كاوتش. مش بس كدة، دا كمان حطوا حووطوها باطوب بدل مايجيبوا يافطة يكتبوا عليها " أحترس .. خللي بالك من البلاعة" .

بصراحة عجبوني رغم الي عملوه لأنهم بدلوا فكرة سرقة الناس بسرقة الباكابورتات رغم إن المظر بقى غبي في الشارع !

احتباس حراري ولا ده عادي

من كام يوم كدة مصر اتعرضت لموجة حارة جدا ووصلت الحرارة على القاهرة 41 درجة مئوية و الجو كان مشمس جداً ومستقر... لكن فجأة وبدون توقعات ولا مقدمات السما غيمت من كل حتة والجو قلب ترات و هوا و فجأة السما نورت وفجأة سمعنا رعد وفجأة مطرت!!


الأمطار الرعدية كانت متفرقة يعني في مناطق كان فيها مطر بس ومناطق كان فيها برق بس ومناطق تانية الجو عاصف فيها...

المهم: قال الأستاذ مجدي أحمد عباس رئيس هيئة الأرصاد الجوية إنها ظاهرة طارئة واستثنائية في مثل هذا الوقت من العام وتحدث نتيجة لارتفاع درجة حرارة سطح الأرض....

طاب.. هل سبب ارتفاع الحرارة هو تأثير الأحتباس الحراري على مصر.. وهل في المستقبل لو أتكررت هذه الحالة الأستثنائية هتكون العاصفة دي اشد وأخطر ويوصل قوة البرق لدرجة الساعقة؟!! ولا اساساً مش هايبقى في مطر لا من الجنوب ولا من الشمال...

هو الغريب ان درجة الحرارة وصلت 36 درجة على القاهرة في نص الليل بعد ما كانت 33 درجة!


وانا عمري ما شفتها 36 درجة مئوية على النت في القاهرة أبداً.... أخرها 33 درجة مئوية و بيبقا في يوليو.... دة معناة ان السبب الرئيسي هو تأثير الأحتباس الحراري على مصر وهو دة الي ساعد على العاصفة الصغيرة دي .....

عموماً المطر خير.. و ارجع واقول ان كل حاجة بأمر ربنا بعيد عن الأسباب العلمية.

Relevents

http://www.weather.com/outlook/travel/businesstraveler/pastweather/hourly/EGXX0004?stn=0&when=060908

www.elbadeel.net/index.php?option=com_content&task=view&id=21892&Itemid=1

البطيخ الصيفي السنادي.... صيفي صيفي!!

بيقولك البطيخ السنادي نازل متوسطه بـ 24 جنية....

أنا فاكر زمان بس مش أوي وبالتحديد ديسمبر 2001 لاقينا بطيخ!!! بكام يا عم قلـك 10 جنية بعد ما فاصلنا معاه وقال ان ده مش موسمها.. بس عمري ما هنسى طعمها، كان جامد جداً و اهو مش موسمها... تعالى دلوأتي اشتريلك بطيخة بعد ما غلو البنزين والسولار والغاز الطبيعي كمان، يعني البطيخ هايغلى هايغلى تاني ....
ببساطة غالي و طعمه مش حلو زي بتاع "بطيخة ديسمبر:(" و قدامك الاختيار بين نص كيلو الحمة أو البطيخ !! هاتلك بدلها نص كيلو لحمة أحسن، أهو على الأقل هاتستفيد منها أكتر من البطيخ ! !
أنا مش بقول متشتريش بطيخ يعني بس أوزنها و شوف الأفيد....

سلام

بيقولوا مصر بلد فقيرة!!

باختصار شديد
امبارح وأنا بتفرج على برنامج العاشرة مساءً في دريم، أتفاجئت واحد من الناس اللي مستضيفاهم منى الشازلي بيقول إن نسبة المصريين الي عايشين تحت خط الفقر 65% يعني مصر بلد فقيرة!! طبعاً أنا ماصدقتش في الأول واتصدمت بجد عشان من الي أنا باشوفه اه مصر حالها تعبان بس مش لدرجة تحت الفقر يعني!! وطبعاً تفكيري كان سطحي جداً لأني مافكرتش ساعتها ان مصر ليها محافظات (:

ساعتها بست ايدي وش ودهر وقلت الحمدلله على النعمة الي هو مديهالنا و كدة متهيألي ارَّبنا اوي من الهند و يمكن نكون كمان احنا افقر منها!!
.... ربنا يستر علينا!! دي مصيبة سودة !!